Rådgjevar/Konsulent - Pleie og omsorg

Pleie og omsorg  er organisert med ein tenesteleiar, avdelingsleiarar og fagleiar. Den som vert tilsett skal arbeide inn mot alle områda i pleie og omsorg som i dag er heimehjelpstenesta, heimesjukepleie, sjukeheim/institusjon, produksjonskjøkken, dagsenter for demente, korttidsavdeling og KAD.

Me søkjer etter rådgjevar/konsulent til pleie og omsorg i Årdal kommune i 100 % fast stilling. Stillinga er plassert under tenesteleiar for pleie og omsorg, men skal og ha støttefunksjon inn mot bu og miljøtenesta ved behov.

Årdal kommune og omsorgstenesta er i omstilling. Den som blir tilsett skal arbeide aktivt med utvikling av ressurseffektive tenester og gje administrativ støtte til leiar som til dømes sakshandsaming, rapportering, systematisk arbeid med styringsdata og rapportering samt vere ansvarleg for brukarundersøking og tilsettundersøking.

Den som blir tilsett må og pårekne å vere prosjektleiar i omstillings- og endringsprosessar samt vere tenesta sin representant i arbeidet med implementering av nytt avvik og internkontrollsystem.

Arbeidsoppgåver:

• Leiarstøtte
• Økonomi og budsjett saman med tenesteleiar
• Turnus og bemanningsplanlegging
• Digitalisering og systemoppfølging
• Delta i og leie ulike endringsprosjekt og utviklingsarbeid i sektoren

Kvalifikasjonskrav:

Relevant utdanning på bachelor – nivå, til dømes:

• Offentleg administrasjon
• Økonomi/administrasjon
• Organisasjon og leiing

Anna relevant utdanning.

Relevant erfaring kan i særlege tilfelle kompensere for utdanningskravet.

Erfaring frå kommunal sektor er ein fordel.

Det vil vere ein fordel om du har kjennskap til:

• Helse og omsorgstenestelova
• Pasient og brukarrettigheitslova
• Forvaltningslova og offentleglova
• God digital kompetanse (journalsystem, sak/arkiv, Excel m.m.)
• Rapportering og analysearbeid
• Kvalitetsarbeid og internkontroll
• Prosjektarbeid/prosjektleiing

Personlege eigenskapar:

• Strukturert og systematisk
• God skriftleg og munnleg framstillingsevne.
• Evne til å arbeide sjølvstendig og prioritere oppgåver
• God rolleforståing
• Samarbeidsorientert og løysningsfokusert
• Gjennomføringsevne

Kva kan me tilby deg?

Årdal kommune tilbyr ei spennande stilling i eit godt og inkluderande fagmiljø, med gode moglegheiter for fagleg utvikling. Me har gode pensjons- og forsikringsordningar, samt bedriftshytte på Skeikampen.

Ta kontakt – me vil gjerne høyre frå deg

Ta gjerne kontakt med oss for ein uforplikta prat – me fortel gjerne meir om tenesta og kvardagen hjå oss.

Me ser fram til å høyra frå deg og bli betre kjent med deg som kanskje blir vår nye kollega.