Rekneskapsførar eller erfaren rekneskapsmedarbeidar

Me treng å styrka fagkompetanse på rekneskap. Me søkjer ein fagleiar for rekneskap, som vil vere med å vidareutvikle økonomifunksjonen i Årdal kommune. Stillinga er 100% fast.

Du vil få ei sentral rolle i organisasjonen og vere ein viktig støttespelar for både leiarar og tilsette i kommunen.

Ved økonomiavdelinga vil det no vere 6 årsverk. Tre rekneskap, to lønn og økonomisjef.

Tilsetting frå snarast.

Arbeidsoppgåver

• Fagleg ansvar for kommunens rekneskapsfunksjon
• Sikre kvalitet og effektivitet i rekneskapsprosessane
• Utarbeiding av rutinar og internkontroll
• Rapportering og avstemmingar
• Rettleiing og opplæring av tilsette innan rekneskap
• Ansvar i årsoppgjer og budsjettarbeid
• Samarbeid med eksterne revisorar og andre fagmiljø
• Andre oppgåver som vert tildelt frå leiar

Kvalifikasjonar

• Autorisasjon som rekneskapsførar eller relevant høgare utdanning innan rekneskap, økonomi eller revisjon (minimum bachelor)
• Særleg relevant erfaring kan kompensere for formell utdanning
• Erfaring frå rekneskapsarbeid, gjerne frå offentleg sektor
• God systemforståing og erfaring med økonomisystem
• Kjennskap til kommunale rekneskapsreglar (KOSTRA, GKRS), lover og forskrifter er ein fordel
• Gode digitale ferdigheiter
• Gode norskkunnskapar, både munnleg og skriftleg

Personlege eigenskapar

• Strukturert og nøyaktig
• Gode samarbeidsevner og evne til å rettleie andre
• Initiativrik og løysingsorientert
• Evne til å arbeide sjølvstendig og i team

Me tilbyr

• Ei spennande og utviklande stilling i eit godt fagmiljø
• Gode moglegheiter for fagleg utvikling
• Tilgang til bedriftshytte
• Fleksibel arbeidstid og gode pensjons- og forsikringsordningar
• Løn etter avtale
• Heimekontor etter avtale