3 x 100 % faste stillingar som reinhaldar

Vil du vere med og skape trivelege og reine kommunale bygg?

Er du ein person som trivst med å gjera ein viktig jobb som betyr noko for mange? Likar du å arbeide både sjølvstendig og saman med andre, og set pris på orden og kvalitet i arbeidet ditt? Då kan dette vere jobben for deg!

Årdal kommune søkjer no positive, pålitelege og fleksible reinhaldarar til tre faste heiltidsstillingar i reinhaldsavdelinga vår.

Som reinhaldar hjå oss vert du ein del av eit fagleg dyktig og inkluderande arbeidsmiljø, der me samarbeider tett for å levera gode tenester til innbyggjarane i kommunen. Reinhaldsarbeidet er ein føresetnad for god drift i barnehagar, skular og andre kommunale bygg – og bidreg direkte til trivsel, helse og tryggleik.

Arbeidsoppgåver

Reinhaldsavdelinga har ansvar for reingjering av Årdal kommune sine eigne bygg og eventuelle andre bygg kommunen nyttar i si tenesteproduksjon.

Du vil:

• utføra reinhald etter gjeldande reinhaldsplanar
• bidra til god kvalitet og effektiv gjennomføring av arbeidsoppgåvene
• arbeida både sjølvstendig og saman med andre

Kvalifikasjonskrav

• Fagbrev som reinhaldar er ein fordel, men relevant erfaring kan kompensere for manglande fagbrev
• Førarkort klasse B er påkrevd

Personlege eigenskapar

Me legg stor vekt på personlege eigenskapar og søkjer deg som:

• er allsidig, fleksibel og ansvarsbevisst
• kan arbeida strukturert og sjølvstendig
• har gode samarbeidsevner og bidreg til eit godt arbeidsmiljø
• har ei serviceinnstilt haldning og kommuniserer godt med «kundar»

Me tilbyr

• Ein trygg og meiningsfull arbeidsplass i ein viktig samfunnsfunksjon
• Løn etter gjeldande tariffavtale (reinhaldar eller fagarbeidar)
• Eit godt og inkluderande arbeidsmiljø med dyktige kollegaer
• Gode pensjons- og forsikringsordningar
• Tilgang til bedriftshytte på Skeikampen