Lærar? Me har fleire ledige stillingar

Farnes skule har ledig fast stilling som lærar i 100% med tiltreding 01.08.2025, vidare er det ledig 3 vikariat i 100% stilling for skuleåret 2025/2026.

Arbeidsoppgåver som lærar:

Opplæring etter gjeldande lovverk og læreplanar i grunnskulen. Opplæringa skjer i samarbeid med andre lærarar, fagarbeidarar/assistentar og andre tilsette.

Arbeidsoppgåvene omfattar arbeid med planlegging og utvikling, vurdering og oppfølging samt tett samarbeid med føresette og andre relevante samarbeidspartnarar for skulen. Oppgåvene kan òg vere relatert til særskilt miljøarbeid i klassane, i gruppe eller for einskildelevar.

Det er arbeidsoppgåver knytt til undervisning både på barnesteget og ungdomssteget inkludert spesialundervisning.
Den som vert tilsett må rekne med å bli pålagt kontaktlæraransvar. På ungdomssteget vil arbeidsoppgåver knytt til eksamen vere aktuelt.

Kvalifikasjonskrav:

Det er krav om godkjent undervisningskompetanse for tilsetting som lærar i grunnskulen, men andre med relevant utdanning og praksis kan og søkje.

Den som vert tilsett, må kunne legge fram godkjent politiattest av nyare dato.

Personlege eigenskapar som me ynskjer i våre team:

• Gode mellommenneskelege eigenskapar, engasjement og evne til å ta initiativ                                                
• Evne til samskaping og bidra inn i profesjonsfellesskapet
• Kreativ og utforskande
• Fleksibel, tilpassingsdyktig og utviklingsorientert
• Empatisk og ha evna til å sjå heile mennesket

Me tilbyr

Arbeid i ein veldriven kommune med gode og sikre rammevilkår
Godt og stabilt arbeidsmiljø med god fagkompetanse
Kommunale tilsetjingsvilkår med gode pensjons- og forsikringsordningar
Løn etter gjeldande tariff og avtaleverk