100% fast stilling som tenesteleiar for bu- og miljøtenesta

Me søkjer etter ein meistringsorientert leiar til å leie bu- og miljøtenesta i Årdal kommune.

Bu og miljøtenesta yter tenester til personar med nedsett funksjonsevne og deira pårørande. Bu- og miljøtenesta i Årdal kommune har om lag 75 årsverk fordelt på 80 tilsette. Tenesteleiar har eit heilskapleg leiaransvar, med økonomiansvar, personalansvar, fagansvar og utviklingsansvar.

Bu- og miljøtenesta er i omstilling. Den som vert tilsett må leie omstillingsprosessar saman med avdelingsleiarar, tilsette og tillitsvald/vernetenesta.

Årdal kommune er under omstilling. Den som vert tilsett skal følge opp og gjennomføre politiske vedtak innafor vedtekne rammer, herunder arbeid med utvikling av ressurseffektive tenester.

Tenesteleiar inngår i kommunalsjef for helse, omsorg og NAV si leiargruppe. Arbeidsstad er for tida på Rådhuset, Årdalstangen.

Ansvarsområde:

- Heildøgns butilbod

- Praktisk bistand opplæring

- Praktisk bistand

- Helsetenester

- Støttekontakt og treningskontakt

- Omsorgsstønad

- Opplæring og rettleiing til pårørande med særleg tyngjande omsorgsarbeid

- BPA (ovannemnde tenester organisert som brukarstyrt personleg assistanse)

- Individuell plan og ansvar-team

- Ressursplassar/dagaktivitet ved Sogn Vekst

Tenesta har ei stor brukargruppe med svært samansette behov både fysisk og psykisk. Til rolla ligg og overordna ansvar for kap 9 i helse og omsorgstenestelova i kommunen. Tenesteleiar samarbeida med tildelingskontoret for å sikre heilskapleg og godt koordinerte tenester, samt likebehandling for like behov. Ein har også ansvar for å følgje opp brukarar andre stadar i og utanfor kommunen.

Kvalifikasjonskrav

- 3 årig helse- og sosialfagleg utdanning

- Leiarerfaring

- Bilsertifikat

Personlege eigenskapar

- Arbeidsgjevarpolitikken til Årdal kommune set tydlege føringar for leiarrolla.

- Me ynskjer ein tenesteleiar som jobbar strukturert og målretta, er god på relasjonsbygging, har evne til å skape tillit og eit godt omdømme både innad og utad.

- For å lukkast i rolla er det viktig av du er utviklings- og løysingsorientert i di tilnærming til andre og har ei tydeleg åtferd.

- God kommunikasjonsevne, både munnleg og skriftleg.

Me tilbyr

- Spanande og varierte arbeidsoppgåver.

- Eit godt og stabilt arbeidsmiljø med god kompetanse.

- Tilgjenge til bedriftshytte på Skeikampen.

- Kommunale tilsetjingsvilkår med gode pensjons- og forsikringsordningar.